"Барселона" клуби қишки трансфер ойнасида ҳужумчи Роберт Левандовскини сотишни кўриб чиқмоқда. Transfer News Live порталининг Fichajesга таянилиб берилган маълумотига кўра, 37 ёшли футболчи учун Саудия Арабистонининг номаълум клуби 35 миллион евро таклиф қилган.
Агар каталонияликлар ҳужумчига муносиб ўринбосар топа олишса, улар бу таклифни қабул қилиш эҳтимоли юқори. Шу тариқа, "кўк-анорранглилар" мавсум охирида шартномаси якунланадиган тажрибали юлдуздан ажралиш эвазига катта миқдордаги маблағ ишлаб олишади.
Ҳозирги мавсумда Роберт Левандовски "Барселона" сафида 10 та ўйинда майдонга тушиб, 4 та гол уришга муваффақ бўлган. Transfermarkt портали польшалик ҳужумчининг нархини 10 миллион евро деб баҳоламоқда.
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
