Мадриднинг "Атлетико" клубидан бўлган уч нафар аргентиналик футболчи миллий терма жамоанинг Ангола билан ўртоқлик учрашувида иштирок эта олмайди. Бу футболчилар Жулиано Симеоне, Жулиан Алварес ва Науэл Молина экани маълум қилинди.
"Албиселесте" матбуот хизмати хабарига кўра, ушбу футболчилар керакли тиббий ҳужжатларни тақдим эта олмаган. Ангола ҳудудига кириш учун сариқ иситма касаллигига қарши эмланганлик ҳақида сертификат талаб қилинган, аммо "Атлетико"нинг ушбу уч футболчисида бундай ҳужжатлар мавжуд эмас бўлиб чиқди.
Аргентина ва Ангола ўртасидаги ўртоқлик учрашуви 14-ноябрь, жума куни Луанда шаҳрида бўлиб ўтади. Эслатиб ўтамиз, Лионель Скалони бошчилигидаги Аргентина терма жамоаси амалдаги жаҳон чемпиони ҳисобланади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
