“Манчестер Сити” ярим ҳимоячиси Тиджани Рейндерс ўз трансфер баҳоси ҳақида фикр билдирди. Ўтган ёзда “шаҳарликлар” нидерландиялик футболчини “Милан”дан 55 миллион евро эвазига сотиб олишган эди.
Ҳозирда Transfermarkt портали маълумотларига кўра, футболчининг бозор қиймати 70 миллион еврога етган. "Вау, бу жуда юқори.
Баъзан Transfermarkt’да собиқ жамоадошларимнинг профилларини кўриб, уларнинг фаолияти қандай кечаётганини кузатаман, лекин ўз нархимни ўрганмаганман. Менинг трансферим амалга ошганида, бу учун тўланган сумма мени ҳайратга солди.
Бу жуда ёқимли илтифот эди", – дейди 27 ёшли футболчи Sport Witness нашрига берган интервьюсида. Тиджани Рейндерс “Манчестер Сити” сафида 18 ўйинда майдонга тушиб, бирта гол ва бешта голли узатмага муаллифлик қилди.
Меҳмон гуруҳидаги фойдаланувчилар ушбу мақолага изоҳ қолдира олмайди.
