Россия терма жамоаси дарвозабонлар мураббийи Виталий Кафанов Матвей Сафоновнинг Италия терма жамоаси дарвозабони Жанлуижи Доннаруммага дунёнинг энг яхши дарвозабони бўлишида ёрдам берганини таъкидлади. Мутахассиснинг фикрига кўра, "ПСЖ"даги Сафонов билан рақобат Доннаруммани илҳомлантирган.
"Қишда Жанлуижи жамоани тарк этишни хоҳлаган, чунки Матвей ўйнаётгани унга ёқмаган эди. Аммо кейинчалик у ўз ўйинига қайта эътибор қаратди ва муваффақиятли ўйнашни бошлаганида чин дилдан хурсанд бўлди", деди Кафанов "РБ Спорт" нашрига берган интервьюсида.
Мураббийнинг қўшимча қилишича, Доннарумма "ПСЖ"да Сафонов билан рақобат даврида қилган сейвлари учун Евро-2020 финалидаги пеналтилар сериясида ғалаба қозонганидан кўра кўпроқ хурсанд бўлган. Ўтган кузда Доннарумма "ПСЖ"ни тарк этиб, "Манчестер Сити"га ўтди.
Сафонов эса ҳозирча жамоада иккинчи дарвозабон сифатида қолди ва 2025/2026 йилги мавсумда бирорта ҳам ўйин ўтказгани йўқ.
Меҳмон гуруҳидаги фойдаланувчилар ушбу мақолага изоҳ қолдира олмайди.
