Бразилиялик ҳужумчи Винисиус Жуниорнинг келажаги ҳали ҳам ноаниқлигича қолмоқда ва бу мавзу муҳокамалар марказида. Унинг "Реал Мадрид" билан амалдаги шартномаси 2027-йилнинг ўрталаригача амал қилади.
Октябрь охирида Винисиус "Реал" президенти Флорентино Пересга шартномани узайтириш ўзи учун энг яхши вариант эмаслигини маълум қилган. Бунга унинг бош мураббий Хаби Алонсо билан бўлган муносабатларидаги муаммолар сабаб бўлгани айтилмоқда.
The Athletic нашрига кўра, "Реал" Винисиусга йиллик 20 миллион евро соф маош таклиф қилган, аммо бу таклиф қабул қилинмаган. Клуб футболчидан ўзининг молиявий талабларини айтиб беришни сўраган.
Винисиуснинг вакиллари "тарихий шартнома" талаб қилиб, Криштиану Роналду даражасидаги пакетни – йиллик 30 миллион евро маош ва бонусларни ўз ичига олган шартномани таклиф қилишган. Бундан ташқари, шартномани узайтириш учун қўшимча бонус сўралган, аммо "Реал" ҳали бундай бонусни ҳеч қачон футболчига бермаган.
2025/2026-йилги мавсум бошланишидан олдин Винисиус билан қўшимча музокаралар ўтказилган, бироқ улар яна натижасиз якунланган.
Меҳмон гуруҳидаги фойдаланувчилар ушбу мақолага изоҳ қолдира олмайди.
