Собиқ таниқли футболчи Дмитрий Аленичев Россия терма жамоаси ҳақида ўз фикрларини билдирди. Жамоа кетма-кет 23 ўйинда мағлубиятсиз серия қайд этди, аммо сўнгги учрашувда Чили терма жамоасига ютқазди.
"Яхши статистик кўрсаткич. Албатта, Испания, Германия, Франция каби гранд жамоаларга қарши ўйнаб ўзимизни синаб кўришни истаймиз.
Жамоамизнинг тўрт йилдан бери мағлубиятга учрамагани эса ижобий факт", - дейди Аленичев "Матч ТВ" сайтига берган интервьюсида. Эслатиб ўтамиз, ноябрь ойидаги BetBoom дўстлик ўйинларида Россия Перуга қарши 1:1 ҳисобида дуранг қайд этди ва Чилига 0:2 ҳисобида мағлуб бўлди.
Валерий Карпин бошчилигидаги жамоа навбатдаги йиғилишини март ойида ўтказиши кутилмоқда. UEFA ва FIFA томонидан Россия футбол иттифоқига нисбатан қўлланилган санкциялар давом этаётганлиги сабабли ҳозирда Россия терма жамоаси фақат дўстлик ўйинларида иштирок этмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
