Туркиянинг "Галатасарай" клуби бош мураббийи Окан Бурук Чемпионлар Лигаси умумий босқичининг бешинчи тури доирасида Бельгия клуби "Унион Сент-Жиллуаз"га қарши ўйин олдидан матбуот анжумани ўтказди. Учрашув 25-ноябр куни Москва вақти билан 20:45 да бошланади.
"Биз рақибимизни ҳурмат қиламиз. Улар ўз лигаларида етакчи.
Жисмоний жиҳатдан кучли ва яхши ташкил этилган жамоа. Аммо, агар биз ўз салоҳиятимизни кўрсата олсак, бу ўйинда ғалаба қозонишимизга ҳеч қандай тўсиқ йўқ", – деди Бурук Haberler нашрига берган интервьюсида.
"Бизнинг асосий мақсадимиз – Топ-24 га кириш, кейинги мақсадимиз – Топ-16 га етиб, кучли жамоалар қаторига қўшилиш. Аммо бизнинг катта орзумиз – Топ-8 га киришдир." Мураббий Виктор Осимхеннинг ҳолати ҳақида саволга жавоб бераркан, футболчи таркибга киритилиши борасида қарор ўйин куни қабул қилиниши таъкидлади.
Шунингдек, у "Унион" жамоасининг стандарт вазиятлардан фойдаланишдаги яхши кўрсаткичларини билишини ва сўнгги машғулотларда буга алоҳида эътибор қаратганини айтди. "Галатасарай" ҳозирда 9 очко билан умумий жадвалда тўққизинчи ўринда бормоқда, "Унион" эса 3 очко билан 28-ўринни эгаллаб турибди.
Меҳмон гуруҳидаги фойдаланувчилар ушбу мақолага изоҳ қолдира олмайди.
