Собиқ "Уфа" дарвозабони ва Арманистон терма жамоаси аъзоси Давид Юрченко Россия ва Арманистон ўртасида ўртоқлик учрашуви ўтказилиши эҳтимоли ҳақида ўз фикрини билдирди. "Россия ва Арманистон ўртасида ўйин ўтказиш ғоясига ижобий қарайман.
Бу икки мамлакатни кўп нарса боғлайди. Худо хоҳласа, бундай ўйин бўлиб ўтади.
Бу учрашув катта эътиборни жалб қилади ва жуда қизиқарли бўлади", деди Юрченко Metaratings.ru нашрига берган интервьюсида. Маълумот учун, Арманистон ва Россия терма жамоалари ўзаро 5 марта ўйин ўтказган.
1999-йилда бўлиб ўтган икки учрашувда Россия 3:0 ва 2:0 ҳисобида ғалаба қозонган. 2011-йилда 3:1 ва 2014-йилда 2:0 ҳисобидаги ғалабалар ҳам Россия фойдасига ҳал бўлган.
2011-йилдаги яна бир ўйин 0:0 ҳисобидаги дуранг билан якунланган. Айни пайтда Россия ФИФА рейтингида 33-ўринда, Арманистон эса 103-ўринда жойлашган.
Меҳмон гуруҳидаги фойдаланувчилар ушбу мақолага изоҳ қолдира олмайди.
