“Сандерленд” бош мураббийи Регис Ле Брис “Ливерпуль” билан бўладиган келгуси учрашув ҳақида фикрларини билдирди. Англия Премьер Лигасининг 14-тури доирасидаги мазкур ўйин 3-декабр куни Тошкент вақти билан соат 1:15 да бошланади.
Тез орада “Сандерленд” бир вақтнинг ўзида 7 футболчисини йўқотади, чунки улар Африка Миллатлар Кубогида иштирок этиш учун ўз миллий терма жамоаларига чақирилган. Ушбу турнир 21-декабрда бошланиши режалаштирилган.
“Бизда кучли таркиб бор, чунки жароҳатланган футболчилар йўқ. Мен таркибимиз сифатига ишонаман.
Жамоамиздаги динамика жуда ижобий. Илгари кам ўйнаган футболчилар ҳам ўз ҳиссасини қўшиш имкониятига эга бўлади.
Мен бундан кўп хавотирланмайман”, – деди Ле Бриснинг сўзларини BBC нашри келтиради. “Ливерпуль” сўнгги 8та ўйиннинг 6 тасида мағлубиятга учраган.
“Ҳар қандай жамоа қийинчиликларга дуч келиши мумкин. Бу чемпионат жуда мураккаб.
Улар Чемпионлар Лигасида ҳам иштирок этмоқда. “Вест Хэм”га қарши ўйинда улар кучли эди ва кутилганидек устунлик қилдилар.
Биз рақобатбардош бўлиш учун “Сандерленд”нинг энг яхши версиясини намойиш қилишимиз керак.” “Жамоамиз 22 очко билан 6-ўринда бормоқда. “Ливерпуль” эса 21 очко билан биздан икки поғона пастда жойлашган.”
Меҳмон гуруҳидаги фойдаланувчилар ушбу мақолага изоҳ қолдира олмайди.
