Вьерининг фикрича, Пио тўғри йўлда

Италиялик собиқ ҳужумчи Кристиан Вьери ўз юртдош журналистларига мурожаат қилиб, Милан "Интер"ининг янги юлдузи Пио Эспозито атрофида ортиқча шов-шув яратмасликни сўради. Унга кўра, ёш футболчи ўзининг фаолиятини тўғри йўналишда ривожлантирмоқда.

"Мен унинг ҳолатини яхши тушунаман. Менинг давримда ҳам шундай бўлган – бир-икки гол урасан ва сени дарҳол буюк футболчилар билан қиёслай бошлашади.

Бу мутлақо фойдасиз машғулот. Муваффақиятга эришиш учун ягона йўл бор – бутунлай кўнгил бериш, тўғри менталитет ва жисмоний тайёргарлик.

Менимча, Пио тўғри йўлда," – деди Кристиан Вьери La Repubblica нашрига берган интервьюсида. Эслатиб ўтамиз, "Интер" Италия чемпионатининг амалдаги витсе-чемпиони ҳисобланади.