Россиялик ярим ҳимоячи, "Монако" клуби футболчиси Александр Головин жарима сабабли футболдан четлаштирилган ва яқинда майдонга қайтган Поль Погба ҳақида фикр билдирди. "Поль яхши инсон, у жамоага ижобий таъсир ўтказмоқда.
Майдонда унинг энергиясини ҳис қилиш мумкин. У барчамиз билан мулоқотда ва маслаҳатлари билан ёрдам бермоқда.
Унинг иштирокида жамоамиз анча кучайди. Албатта, у ўзининг энг яхши формасини тиклаши учун вақт керак.
Ишончим комилки, у бунга эришади", – дея Головиннинг сўзларини келтиради "Монако" матбуот хизмати. Эслатиб ўтамиз, 32 ёшли француз футболчиси Поль Погба "Монако" билан икки йиллик шартнома имзолаган эди.
Жорий мавсумда Погба Франция чемпионатида иккита учрашувда иштирок этди, аммо гол ёки голли узатма амалга ошира олмаган.
Меҳмон гуруҳидаги фойдаланувчилар ушбу мақолага изоҳ қолдира олмайди.
