«Барселона» «Осасуна»ни енгди, бироқ уч футболчи суст ўйнади.

Зич тақвим фонида «Барселона» навбатдаги ўйинда ҳам енгил ғалабалар сериясини давом эттира олмади. Каталонияликлар «Камп Ноу»да «Осасуна»ни 2:0 ҳисобида мағлуб этишди, бироқ ўйин манзараси ҳисобдагидек ишончли кўринмади.

Меҳмонлар биринчи бўлимда ва иккинчи тайм бошида очколар илиб кетиш имконига эга бўлишди: ҳужумларда вазиятлар яратилди, «Барселона»нинг ҳимоядаги жойлашуви эса қарши ҳужумларда бир неча бор дарз кетди. Бироқ кейинчалик «Осасуна» ортга ҳаддан ташқари тортилиб қолди ва натижада «Барселона»нинг техник устунлиги ҳал қилувчи омилга айланди.

Учрашувда голларни Рафинья урди: 70-дақиқада ҳисобни очди, 86-дақиқада эса якуний натижани белгилади. Ҳал қилувчи эпизодларда Рафинья ва Педрининг ҳаракати жамоани қийин вазиятдан олиб чиқди.

Шу билан бирга, «Барселона» таркибида уч футболчи ўйини билан кўпроқ савол уйғотди. Жерар Мартин (4,0).

«Барселона»нинг марказий зонаси рақибнинг қарши ҳужумларида бир неча бор муаммога дуч келди. Офсайд чизиғи изчил ишламади, жой танлашда хатолар кўп бўлди ва бу борада энг кўзга ташланган футболчилардан бири айнан Мартин бўлди.

У жуда юқори кўтарилиб кетгани сабаб Будимир уч марта унинг ортидан зарбага қулай позицияга чиқиб кетди. Бундан ташқари, корнердан кейинги қайтган тўпни ноҳуш қабул қилиб, Виктор Муньос учун хавфли вазият ҳам «совға» қилди.

Маркус Рэшфорд (3,5). Унинг энг яхши эпизоди бурчак зарбасидан кейинги узатма бўлиб, Ферран Торресга ассистга яқин вазият яратилди, аммо комбинация офсайд сабаб бекор бўлди.

Шундан кейин Рэшфорд ҳужумда кутилган фойдани бера олмади: узатмаларни чўзиб юборди, Балденинг югуришларини «ўлдириб» қўйди ва уч бор қулай зарба позициясига чиққанга қарамай дарвозани ишғол эта олмади. Ферран Торрес (3,5).

У ҳам офсайд билан тугаган ўша эпизоднинг «қурбони» бўлди. Ҳаракатда фаол кўринганига қарамай, ўйин давомида бирорта аниқ зарба бера олмади.

Унда жуда яхши имкониятлар бўлди: икки марта дарвоза олди чизиғига яқин жойдан қайтган тўпни якунийлай олмади, яна бир вазиятда жарима майдони марказидан юқорига «отиб юборди». Якунда гол урмасдан майдонни тарк этди, беш бор тўп йўқотди ва тўртта яккакурашнинг учтасида ютқазди.

Натижа «Барселона» фойдасига бўлди, аммо ўйин «Осасуна»га ҳам имконият бергани, шунингдек айрим футболчиларнинг суст ҳаракати Ханс-Дитер Флик учун хулосалар чиқариш зарурлигини кўрсатди. “Zamin”ни Telegram'да ўқинг!