Мюнхеннинг «Бавария» клуби Германия Бундеслигасининг 14-турида «Майнс»га қарши ўйинда натижадорлик бўйича янги рекорд ўрнатди. Учрашув 2:2 ҳисобида якунланди.
Венсан Компани жамоасида голларга Леннарт Карл ҳамда пенальтидан аниқ зарба берган Гарри Кейн муаллифлик қилди. Мазкур голлар «Бавария»нинг 2025/2026 йилги Бундеслига мавсумидаги 50 ва 51-голлари бўлди.
14 тур якунига кўра ҳали ҳеч бир жамоа бундай натижадорликни қайд этмаган. «Майнс» билан дуранг мюнхенликлар учун жорий миллий чемпионатдаги бор-йўғи иккинчи очко йўқотиш бўлди.
Аввалроқ «Бавария» Берлиннинг «Унион» жамоаси билан ҳам дуранг ўйнаганди. Шунга қарамай, «Бавария» мағлубиятсиз сериясини давом эттирмоқда.
Амалдаги чемпион энг яқин таъқибчиси «Лейпциг»дан 9 очко олдинда бормоқда. Иккала жамоа ўртасидаги ўзаро учрашувда «Бавария» 6:0 ҳисобида ғалаба қозонган.
Жамоанинг урилган ва ўтказиб юборилган голлари фарқи ҳозирча +40 ни ташкил этмоқда. “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
