ПСЖ жума куни жароҳат олган футболчилари бўйича сўнгги маълумотларни эълон қилди. Париж клуби россиялик дарвозабон Матвей Сафоновнинг қўли сингани ҳақида хабар бериб, кўпчиликни ҳайратда қолдирди.
Сафоновнинг ҳолати уч-тўрт ҳафтадан сўнг, яъни келаси йилда яна бир бор баҳоланади. Шунингдек, ПСЖ ҳужумкор ярим ҳимоячи Ли Кан Ин бир неча ҳафтага сафдан чиққанини маълум қилди.
Қитъалароро кубок финалида у чап сон мушагидаги жароҳат сабаб алмаштирилган. Бундан ташқари, клуб ҳужумчи Брэдли Баркола мушаклардаги чарчоқ туфайли даволанишни давом эттираётганини қайд этди.
Айни пайтда ПСЖ Лига 1 турнир жадвалида иккинчи ўринда бормоқда. Етакчи Ланс парижликлардан бир очко олдинда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
