«Атлетик Бильбао» бош мураббийи Эрнесто Вальверде «Эспаньол»га қарши ўйин олдидан фикр билдирди. Ла Лиганинг 17-тур учрашуви 22-декабр куни бўлиб ўтади ва Москва вақти билан соат 23:00 да бошланади.
Вальверде «Атлетик» «Сан-Мамес»да «Эспаньол»ни мағлуб этиб, еврокубоклар зонасидаги курашда жуда муҳим 3 очкони қўлга киритишига умид билдирди. «Ғалаба биз учун жуда катта аҳамиятга эга бўлади.
Агар орадаги фарқни қисқартирмоқчи бўлсак, мавсумдаги энг яхши даврларидан бирини ўтказаётган жамоани ютишга ҳаракат қилишимиз керак. Бу жуда оғир иш бўлади, чунки улар жуда яхши ўйнаяпти», — дея мураббийнинг сўзларини клуб сайти келтиради.
Рождество тилаклари ҳақидаги саволга Эрнесто, агар Оленцеро (баскларнинг Қорбобоси) шогирдларига бироз ёрдам берса, бунга қарши эмаслигини айтди. «Биз Оленцеродан бизга ёрдам беришини сўраймиз, шунда ғалаба қозона оламиз.
Бу йилнинг сўнгги ўйини, ва биз уни юқори кайфиятда якунлашни хоҳлаймиз». «Эспаньол» ҳисобида 30 очко бор.
Ҳозирда турнир жадвалида бешинчи ўринда бораётган каталонияликлар Ла Лиганинг энг сермаҳсул жамоаларидан бири саналади ва ноябр бошидан бери чемпионатда мағлуб бўлмаган. «Атлетик» эса 23 очко билан саккизинчи ўринда бормоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
