Туркия Суперлигасининг навбатдаги баҳсида "Башакшеҳир" ўз майдонида "Газиантеп" жамоасини қабул қилади. Учрашув Тошкент вақти билан соат 19:00 да старт олади ва мухлислар учун алоҳида қизиқиш ўйғотмоқда.
Мазкур беллашув ўзбек футбол ишқибозлари учун ҳам ўзига хос аҳамиятга эга. Чунки мезбонлар таркибида Элдор Шомуродов ва Аббосбек Файзуллаев учрашувни илк дақиқалардан асосий таркибда бошлайди. Бу эса жамоанинг ҳужумдаги умидлари айнан уларга боғланаётганини кўрсатади.
Бош мураббий Нури Шаҳин ушбу ўйин учун анча мувозанатли таркибни танлаган. Дарвозани Муҳаммад қўриқлайди, ҳимоя чизиғида Онур Булат, Дуарте, Опоку ва жамоа сардори Омер Али жой олган. Майдон марказида Онур Эргун ҳамда Умут ўйинни назорат қилади. Ҳужумда эса Ҳарит, Селке билан бирга Файзуллаев ва Шомуродов рақиб ҳимоясини безовта қилади.
«Башакшеҳир» бу баҳсда ўз майдонида ғалаба қозониб, турнир жадвалидаги ўрнини яхшилашни мақсад қилган. «Газиантеп» эса очколар учун курашни қатъий олиб бориши аниқ. Шу боисдан, бу ўйин кескин ва муросасиз ўтиши кутилмоқда.
Ўзбек легионерларининг асосий таркибда майдонга тушиши эса учрашувга янада қизиқиш қўшмоқда. Мухлислар Файзуллаевнинг техникаси ва Шомуродовнинг голларга чанқоқ ўйинини катта умид билан кутмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
