Дан Ндой А Серияга қайтиши мумкин, «Наполи» қизиқмоқда

«Ноттингем Форест» сафида тўп сураётган Дан Ндой яна Италия чемпионатига қайтиши эҳтимолдан холи эмас. У яқинда «Болоня»да ёрқин ўйин кўрсатиб, хусусан ўтган йилги Италия Кубоги финалида ҳал қилувчи голни уриб, клубга узоқ кутилган совринни олиб берганди. Бу ҳақда euro-football.ru хабар беради.

calcionapoli1926.it хабарига кўра, футболчига «Наполи» жиддий қизиқиш билдирмоқда. Манбага кўра, Ндой клуб раҳбариятидан қўнғироқ ҳам олган, бироқ «Ноттингем Форест» бошлиқлари ҳозирча футболчини сотишга тайёр эмас.

Эслатиб ўтамиз, «Наполи» А Серия турнир жадвалида учинчи ўринда бормоқда ва пешқадам «Интер»дан тўрт очкога ортда қолган.