Испания чемпионатининг 24-туридан ўрин олган «Вильярреал» – «Реал Мадрид» учрашуви ўз ниҳоясига етди. Унда «Вильярреал» майдонига сафар қилган мадридликлар иродали ғалабага эришдилар.
Биринчи бўлимда дарвозалар даҳлсиз қолди, аммо иккинчи бўлим ҳақиқий драммага айланди. Дастлаб мезбонлар 50-дақиқада Мануэль Тригероснинг голидан сўнг ҳисобни очган бўлсалар, орадан олти дақиқа ўтиб Седрик Бакамбу уни 2:0 кўринишига келтирди.
Ушбу голлар мудраб қолган «Реал» футболчиларини уйғотиб юборди ва мезбонлар дарвозаси ёнида бирин-кетин хавфли вазиятлар яратилди. 64-дақиқада Гарет Бейл қанотдан оширилган тўпни боши билан дарвозага тўғирлаб қўйди. Орадан кўп ўтмай мезбонлар вакили Сориано ўз майдонида қўл билан ўйнади ва бу пенальти белгиланиши билан якунланди. Имкониятни Криштино Роналду кўкка совурмади ва мувозанатни тикловчи голга муаллифлик қилди.
83-дақиқа ўтиб бораётган бир вақтда Роналду бошлаб берган ҳужумни Марсело давом эттирди ва қанотдан жарима майдони томон тўпни оширди, захирадан майдонга қўшилган Альваро Мората тўпни боши билан дарвозага жойлаб қўйди. Шу тариқа «Қироллик клуби» «супер камбек» қайд этди ва биринчи поғонага қайтди.
Испания чемпионати, 24-тур
Вильярреал – Реал Мадрид 2:3
Голлар: 1:0 – 50 Тригерос, 2:0 – 56 Бакамбу, 2:1 – 64 Бэйл, 2:2 – 74, пенальти Роналду, 2:3 – 83 Мората.
Вильярреал – Асенхо (Фернандес, 35), Мусаккьо, Коста, Марио Гаспар, Руис, Дос Сантос, Тригерос (Родри Эрнандес, 75), Сориано, Кастильехо, Бакамбу, Адриан (Черышев, 57).
Реал Мадрид – Навас, Пепе, Марсело, Карвахаль, Рамос, Модрич, Каземиро (Иско, 58), Кроос, Бэйл (Васкес, 89), Роналду, Бензема (Мората, 77).
Огоҳлантиришлар: Сориано (73), Сольдадо (73), Марио Гаспар (90), Пепе (90). “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Медведев: Махсус ҳарбий операция учун қуролларнинг аксарияти Россияда ишлаб чиқарилади
Кипр ҳукумати россиялик ва украиналик миллиардерларнинг «олтин» паспортларини олиб қўйди
Ўзбекистонда онкологик касалликка чалинган аёллар бепул даволанади
Вирус UFC ни дунёга танитди
Британияда 3 та ҳарбий база узра УУА парвози қайд этилди
"Пахтакор"нинг ўйини мутахассис нигоҳида: "Менимча, ғалаба учун эмас, бир очкони сақлаб қолиш учун ўйнади"
Асир: Украина аскарлари отишни интернетдаги видеолар ёрдамида ўрганишади
БААда исроиллик раввин ўлдирилиши юзасидан Ўзбекистон томони баёнот берди
