Бундеслиганинг 21-турида Леверкузеннинг «Байер» жамоаси сафарда Мёнхенгладбахнинг «Боруссия»сига қарши майдонга тушди. Учрашувда меҳмонлар дарвозага аниқ зарба бера олмаган бўлса-да, биринчи бўлим якунида ҳисобни тенглаштирди. Бу ҳақда euro-football.ru хабар беради.
10-дақиқада Харис Табаковичнинг хавфли зарбасидан сўнг дарвозабон тўпни ушлаб қола олмади ва қайтган тўпга биринчи бўлиб етиб борган Янник Энгелхард ҳисобни очди — 1:0. 45-дақиқада эса Алеша Гарсиянинг зарбасидан кейин тўп Филипп Зандерга тегиб, дарвозага кириб кетди — автогол ва 1:1.
Иккинчи бўлим бошида Патрик Шик жамоасини олдинга олиб чиқиши мумкин эди, бироқ унинг зарбаси тўсинга тегди.
Натижада ўйин 1:1 ҳисобида якунланди. «Байер» ушбу дурангдан сўнг турнир жадвалида 5-ўринга кўтарилди, «Боруссия» эса 12-поғонада қолди.
“Zamin”ни Telegram'да ўқинг!
