Испания чемпионатининг 26-туридан ўрин олган «Барселона» – «Сельта» учрашуви ўз якунига етди. «Камп Ноу»да кечган баҳсда каталонияликлар «Сельта» дарвозасига жавобсиз бешта тўп йўлладилар.
Учрашувнинг 24-дақиқасида Лионель Месси рақиб ўйинчиларини бирин-кетин алдаб ўтиб, қулай вазиятга чиқиб борди ва тўпни яқин бурчакка жойлаб қўйди. 40-дақиқада эса Неймар Мессининг тўп узатишидан сўнг ҳисобни оширди.
Ўйиннинг 57-дақиқасида Ракитич ўз ҳисобига гол ёзиб қўйган бўлса, орадан кўп ўтмай Самуэль Умтити ҳисобни 4:0 кўринишига келтирди. 64-дақиқа Месси ўз дублини нишонлади ва жамоасининг йирик ҳисобдаги ғалабасига ўз ҳиссасини қўшди.
Шу тариқа ушбу ғалаба «Барселона»ни яна биринчи ўринга қайтарди, бироқ иккинчи поғонада кетаётган «Реал»да битта заҳира ўйини мавжуд.
Испания чемпионати, 26-тур
Барселона – Сельта 5:0
Голлар: 1:0 – 24 Месси, 2:0 – 40 Неймар, 3:0 – 57 Ракитич, 4:0 – 61 Умтити, 5:0 – 64 Месси.
Барселона – тер Стеген, Умтити, Пике, Альба, Сержи Роберто (Иньеста, 67), Ракитич, Бускетс (Маскерано, 61), Рафинья, Неймар (Денис Суарес, 70), Месси, Суарес.
Сельта – Альварес, Гомес, Кабраль, Кастро, Ронкалья, Васс (Диас, 68), Радоя, Бонгонда (Систо, 51), Мальо, Гвидетти (Хосабед, 62), Аспас.
Огоҳлантиришлар: Бускетс (20), Кабраль (36), Радоя (38), Гомес (49). “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Медведев: Махсус ҳарбий операция учун қуролларнинг аксарияти Россияда ишлаб чиқарилади
Кипр ҳукумати россиялик ва украиналик миллиардерларнинг «олтин» паспортларини олиб қўйди
Ўзбекистонда онкологик касалликка чалинган аёллар бепул даволанади
Вирус UFC ни дунёга танитди
Британияда 3 та ҳарбий база узра УУА парвози қайд этилди
"Пахтакор"нинг ўйини мутахассис нигоҳида: "Менимча, ғалаба учун эмас, бир очкони сақлаб қолиш учун ўйнади"
Асир: Украина аскарлари отишни интернетдаги видеолар ёрдамида ўрганишади
БААда исроиллик раввин ўлдирилиши юзасидан Ўзбекистон томони баёнот берди
