«Ал-Наср» бош мураббийи Жорже Жезуш Криштиану Роналду нега яқинлашиб келаётган ўйинда майдонга тушмаслигини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Португалиялик юлдуз ҳужумчи яқин орада яна сафга қайтиши кутилаётган бўлса-да, айнан шу ўйинда у таркибда бўлмайди.
Жезушнинг айтишича, тиғиз тақвим сабаб Роналду ва асосий таркибдаги яна бир қатор футболчиларга дам беришга қарор қилинган. Мураббий бу қарорни навбатдаги муҳим беллашув — «Ал-Фатеҳ»га қарши ўйин олдидан қабул қилинганини таъкидлади.
Шунингдек, у Роналду Саудия Арабистонидан ташқарида ўтказиладиган учрашувларни вақти-вақти билан ўтказиб юбориши янгилик эмаслигини эслатиб ўтди.
Саудия чемпионатида «Ал-Фатеҳ» — «Ал-Наср» учрашуви шанба, 14-февраль куни бўлиб ўтади.
“Zamin”ни Telegram'да ўқинг!
