«Қайрат» ҳимоячиси Александр Мартынович Чемпионлар лигасидаги «Арсенал»га қарши ўйиндан сўнг лондонликлар футболчиси Кай Ҳаверц билан бўлган кулгили мулоқоти ҳақида гапириб берди. Мартыновичнинг айтишича, рақиб унинг юзини қаердандир танийотгандек туюлган. Бу ҳақда euro-football.ru хабар беради.
«У менга: “Нимадир сенинг юзинг жуда таниш”, деди. Мен эса аввалроқ “Байер” билан ўйнаб, уларни бироз қийнаганимизни, ҳатто кейинги босқичга ўтганимизни эслатдим. Кейин у “Челси”да бўлган пайтида ҳам тўқнаш келганмиз, шунинг учун бир неча бор рўбарў келганмиз”, — дея Мартыновичнинг сўзларини «Чемпионат» нашри «Матч ТВ» эфирига таяниб келтирди.
Футболчи шунингдек, шахсий коллекциясида Ҳаверцнинг ўйин футболкаси ҳам борлигини таъкидлади. Мартынович аввалроқ Россияда «Краснодар», «Урал» ва «Рубин» сафида ҳам тўп сурган.
Эслатиб ўтамиз, «Арсенал» ва «Қайрат» январ охирида Чемпионлар лигасининг умумий босқичи якуний турида учрашган. Лондонда бўлиб ўтган баҳсда мезбонлар 3:2 ҳисобида ғалаба қозонган.
“Zamin”ни Telegram'да ўқинг!
