Дортмунднинг «Боруссия» жамоаси бош мураббийи Нико Ковач Чемпионлар лигаси плей-офф босқичи доирасида «Аталанта»га қарши 1/16 финалнинг илк учрашуви арафасида таркибдаги йўқотишлар ҳақида маълумот берди. Бу ҳақда euro-football.ru хабар беради.
Мутахассиснинг таъкидлашича, учрашувда асосий таркибдан дарҳол тўрт нафар футболчи майдонга туша олмайди. Уларнинг барчаси ҳимоя чизиғи вакиллари.
«Ҳозир бизда тўртта марказий ҳимоячи жароҳат олган. Нико Шлоттербекни таваккалга қўймоқчи эмасмиз, шу боис уни ҳатто ҳисобга ҳам олмаяпмиз», — деди Ковач УЕФА матбуот хизматига.
Ковач эҳтимолий тактик ўзгаришлардан бири сифатида Юлиан Рююерсонни марказий ҳимояга ўтказиш вариантини ҳам тилга олди: у бу позицияда ўйнаш тажрибасига эга.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
