Шомуродов пенальтидан гол урди: тўпурарлар рўйхатида у яна пешқадам...

2 дақиқа ўқиш341
Шомуродов пенальтидан гол урди: тўпурарлар рўйхатида у яна пешқадам...
ҚисқачаAI ёрдамида тайёрланганКўрсатиш
  • Элдор Шомуродов “Аланяспор”га қарши учрашувда пеналтидан гол уриб, Туркия Суперлигасидаги голлари сонини 16 тага етказди ва тўпурарлар пойгасида “Trabzonspor” форварди Пол Онуачуга етиб олди.
  • “Истанбул Башакшеҳир” сафарда 2:1 ҳисобида ғалаба қозонди, Аббосбек Файзуллаев эса пеналтига сабаб бўлган вазиятда иштирок этди.
  • Мазкур ғалаладан сўнг жамоа очколарини 36 тага етказиб, турнир жадвалида 6-ўринда мустаҳкамланди.

Туркия Суперлигасининг 23-турида ҳамюртларимиз Элдор Шомуродов ва Аббосбек Файзуллаев ҳаракат қилаётган “Истанбул Башакшеҳир” сафарда “Аланьяспор” меҳмони бўлди. Ўтган турда ўз майдонида “Бешиктош”дан аламли мағлубиятни қабул қилиб олган истанбулликлар бу сафар бутунлай бошқа кайфиятда майдонга чиқди: жамоа ўйин давомида рақибдан ҳар жиҳатдан устун эканини кўрсата олди.

Учрашувнинг 14-дақиқасида “Башакшеҳир”нинг германиялик легионери Деви Зельке ҳисобни очди. Мезбонлар ҳали ўзига келиб улгурмасидан меҳмонлар яна бир неча бор хавфли ҳужумлар ташкил қилди. Биринчи тайм якунига яқин эса саҳна тўлиқ ўзбек дуэтига топширилди.

42-дақиқада Аббосбек Файзуллаев жарима майдончаси ичида рақиб ҳимоячилари томонидан қўпол тўхтатилди. Ҳакам бир лаҳза ҳам иккиланмади — пенальти! 11 метрлик нуқтага келиб, Элдор Шомуродов совуққонлик билан зарба берди ва ҳисобдаги фарқни оширди. Шу тариқа “Башакшеҳир” танаффусга икки тўплик устунлик билан йўл олди.

Иккинчи бўлимда “Аланьяспор” таслим бўлиб қолмади. Флорент Хадергёнайнинг аниқ зарбаси уларга битта жавоб голини олиб келди. Шундан кейин баҳс янада қизиди: “Аланьяспор” босимни кучайтирди, “Башакшеҳир” эса ҳисобни ушлаш билан бирга қарши ҳужумларда яна гол излади. Элдор Шомуродов ва Аббосбек Файзуллаев ўйиннинг иккинчи ярми ўрталаригача майдонда қолди, кейин захирага олинди. Бу вақт ичида ҳам ҳисобни ўзгартириш учун имкониятлар бўлди, аммо тўп дарвоза тўрини силкита олмади.

Қийин, аммо жуда қиммат ғалабадан кейин “Истанбул Башакшеҳир” очколар сонини 36 тага етказди ва мусобақа жадвалида 6-ўринда янада мустаҳкам ўрнашиб олди.

Бу баҳсда тўп киритган Шомуродов чемпионатдаги 16-голини нишонлади. Энг қизиқ нуқта шундаки, у тўпурарлар пойгасида ўзидан олдин кетган “Трабзонспор” форварди Поль Онуачуга етиб олди. Мавсум қизғин паллага киргани сайин Туркия чемпионатида “Олтин бутса” учун кураш ҳам қизиб бормоқда.

Бугунги вазиятга қарасак, пешқадамлик асосан Шомуродов ва Онуачу ўртасида кечаётгандек. Лекин таъқибчилар ҳам “уйқудан уйғонди”. Масалан, “Галатасарой” юлдузи Мауро Икарди сўнгги учта ўйинда тўрт бор рақиблар дарвозасини ишғол қилиб, голлари сонини 13 тага етказди. “Фенербаҳче” вакили Андерсон Талиска ҳам сўнгги икки ўйинда жуфт тўп киритиб, 13 голлик маррани ушлади. Энди уларнинг жамоалари 23-тур учрашувларини ўтказгач, тўпурарлар жадвали яна силжиши мумкин — интрига шу ерда.

Яна бир эътиборли жиҳат: Элдор Шомуродов Туркия Суперлигасидаги 17 та рақиб жамоанинг деярли барчасига гол урган. 30 ёшли ўзбек ҳужумчиси 14 та жамоа — “Бешиктош”, “Аланьяспор”, “Коньяспор”, “Галатасарой”, “Антальяспор”, “Кожаэлиспор”, “Генчлербирлиги”, “Трабзонспор”, “Касимпаша”, “Самсунспор”, “Газиантеп”, “Фотиҳ Карагюмрюк”, “Ризеспор” ва “Эюпсор” дарвозасини ишғол қилишга улгурган.

Энди Элдор гол ура олмаган икки жамоа қоляпти: “Гёзтепе” ва “Фенербаҳче”. Ҳамюртимиз чемпионатнинг иккинчи ярмидаги ўйинларда айнан шу рақиблар билан учрашганда ҳам тўп киритишга ҳаракат қилади. “Кайсериспор” эса ҳозирча Шомуродовга икки ўйинда ҳам гол уришга йўл қўймаган ягона жамоа сифатида қолмоқда.

Бундан ташқари, “Аланьяспор” Элдорга “омадли рақиб” бўлиб қоляпти: у чемпионатнинг ҳар икки даврасида айнан шу жамоага гол урган биринчи клуб сифатида қайд этилди.

“Истанбул Башакшеҳир” навбатдаги тур баҳсини 27 февраль куни ўз майдонида, мухлислари кўз ўнгида “Коньяспор”га қарши ўтказади. Энди савол битта: Шомуродов бу темпни сақлаб, тўпурарлар пойгасида якка пешқадамга айланадими? Мухлислар кутяпти — чунки бу мавсумдаги сюжетлар жуда “мазали” кетяпти.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?