Италиянинг «Милан» клубида тўп сурган норвегиялик собиқ футболчи Стейнар Нилсен Йенс Хаугенни алоҳида эътироф этди. Нилсен «Милан» тарихида ўйнаган уч нафар норвегияликдан бири бўлиб, яқин ўтмишда «россонери» сафида ҳам кўринган Хаугенни «Будё-Глимт»нинг энг истеъдодли футболчиси, дея баҳолади. Бу ҳақда euro-football.ru хабар беради.
Нилсеннинг таъкидлашича, Хауге унга ўзининг ўйин услубини эслатади. Бироқ у «Будё-Глимт»нинг кучи фақат битта футболчида эмаслигини, жамоавий уйғунлик асосий сир эканини айтди: Хауге, Берг, Фет, Хог ва Бйоркан каби ижрочилар бир бутун бўлиб ҳаракат қилгани учун натижа келмоқда.
Эслатиб ўтамиз, «Интер»га қарши ўйинда Хауге гол уриб, яна бир голга ассист ҳам қилган эди. Қизиқ жиҳати шундаки, у ўша баҳсда «Милан»нинг принципиал рақиби бўлган жамоанинг имкониятларига жиддий зарба берган.
“Zamin”ни Telegram'да ўқинг!
