Италия миллий жамоаси бош мураббийи Женнаро Гаттузо Жаҳон чемпионати–2026 саралаши плей-офф босқичида Шимолий Ирландияга қарши баҳс олдидан матбуот анжуманида ўз фикрлари билан ўртоқлашди. Бу ҳақда La Gazzetta dello Sport хабар берди.
Мутахассис ушбу учрашувни фаолиятидаги энг муҳим баҳс сифатида баҳолади ва жамоанинг руҳий ҳамда жисмоний жиҳатдан тўлиқ тайёр бўлишига эътибор қаратди.
«Мураббийлик фаолиятим давомида ҳар куни жаҳон чемпионати ҳақида ўйладим. Бу менинг карьерамдаги энг масъулиятли ва муҳим ўйин», — деди Гаттузо.
У тажриба муҳим эканини таъкидлади, аммо сабр ва тўғри тактик қарорлар янада асосий эканлигини таъкидлади. Мутахассис жамоа аъзоларига ўтмишдаги муваффақиятсизликларни эсламаслик ва эътиборни фақат олдиндаги баҳсга қаратиш зарурлигини таъкидлади.
«Бундай баҳсларда тажриба муҳим, аммо энг асосийси — сабр ва тўғри қарорлар. Биз ўз тақдиримизни ўзимиз белгилаймиз. Ўтган иккита жаҳон чемпионатига чиқа олмаганимизни унутишимиз керак. Эътиборимизни фақат олдиндаги баҳсга қаратишимиз зарур», — дея қўшимча қилди мутахассис.
Маълумот учун, Италия ва Шимолий Ирландия ўртасидаги плей-офф баҳси 26 март куни бўлиб ўтади ва жамоа мураббийи фикрига кўра, ғалаба қозониш учун барча имкониятлардан тўлиқ фойдаланиш режалаштирилган.
“Zamin”ни Telegram'да ўқинг!
