Геррейру "PSJ"га қарши EChL ўйинини ўтказиб юборади
«Бавария» ҳимоячиси Рафаэл Геррейру жароҳати сабабли Чемпионлар лигаси ярим финали доирасидаги «ПСЖ»га қарши дастлабки учрашувни ўтказиб юборади. Португалиялик футболчи Германия чемпионатининг «Майнц»га қарши баҳсида мушагидан шикастланган бўлиб, унинг қачон сафга қайтиши ҳозирча номаълум. Шунингдек, шартномаси якунланаётган Геррейру мавсум охирида Мюнхен клубини тарк этиши ва фаолиятини бошқа жамоада давом эттириши тасдиқланди.
"Бавария" жамоаси ҳимоячиси Рафаэл Геррейру жароҳати сабаб Чемпионлар лигаси ярим финалининг дастлабки учрашувида майдонга туша олмайди. Мюнхенликлар бош мураббийи Винсент Компани Парижнинг "PSJ" клубига қарши муҳим баҳсда 32 ёшли футболчи хизматидан фойдалана олмайди. Бу ҳақда Goal.com хабар беради.
Клуб матбуот хизмати хабарига кўра, Геррейру Германия чемпионати доирасидаги "Майнц"га қарши ўйинда чап оёғидан жароҳат олган. Тиббий кўрик натижасида футболчининг мушаклари бироз шикастлангани маълум бўлди.
Мюнхенликлар ғалаба қозонган ўша баҳсда ҳимоячи асосий таркибда майдонга тушган эди.
Ҳозирча португалиялик ҳимоячининг қачон сафга қайтиши аниқ эмас, бироқ у сешанба куни Парижда бўлиб ўтадиган ўйинни аниқ ўтказиб юборади. Геррейру жорий мавсумда барча мусобақаларда 27 та учрашувда қатнашиб, 6 та гол ва 3 та голли узатмага муаллифлик қилди.
Шунингдек, Рафаэл Геррейру мавсум якунида "Бавария"ни тарк этиши тасдиқланди. Унинг амалдаги шартномаси шу ёзда тугайди ва клуб раҳбарияти битимни узайтирмасликка қарор қилди.
Футболчига Италиянинг "Ювентус" ва Португалиянинг "Бенфика" клублари қизиқиш билдирмоқда.
Изоҳлар 0
…