"Астон Вилла" клубининг 2026-27 йилги мавсум учун мўлжалланган янги либослари ҳақида дастлабки маълумотлар пайдо бўлди. "Adidas" компанияси кетма-кет учинчи мавсум давомида Бирмингем клуби учун экипировка етказиб беришда давом этади. Бу ҳақда Goal.com хабар беради.
Клубнинг янги уй либоси дизайнида жиддий ўзгаришлар кутилмоқда. Хабарларга кўра, жамоа деярли ўн йиллик анъанадан воз кечиб, мовий енгли тўқ қизил рангли классик кўриниш ўрнига 1969 йилги ретро услубга қайтади.
Янги футболка тўлиқ тўқ қизил рангда бўлиб, оқ шорти ва мовий пайпоқлар билан тўлдирилиши тахмин қилинмоқда.
Меҳмон либоси қора рангда сақланиб қолади, бироқ унга уч хил рангдаги деталлар қўшилади. Шунингдек, ушбу тўпламда клубнинг тўлиқ логотипи ўрнига фақат шер тасвири туширилган рамздан фойдаланилиши мумкин.
Учинчи либос эса "Вилла Парк" стадиони дарвозаларидан илҳомланган нақшлар билан оқ ёки оч мовий рангда бўлиши айтилмоқда.
Янги тўпламларнинг сотувга чиқиши 2026 йилнинг май ойи охири ёки июн ойи бошига режалаштирилган. Либосларнинг нархи нусха (реплиcа) вариантлар учун 80 фунтдан, футболчилар киядиган оригинал (аутҳентиc) версиялар учун эса 110 фунтдан бошланиши кутилмоқда.
“Zamin”ни Telegram'да ўқинг!
