Англия терма жамоаси ҳужумчиси Букайо Сака Жаҳон чемпионати чорак финали доирасидаги Франция билан ўйин олдидан Килиан Мбаппе билан солиштирилишига муносабат билдирди. «Арсенал» юлдузи Сенегал устидан қозонилган ғалабадан сўнг ўзининг турнирдаги учинчи голини нишонлади. Бу ҳақда Goal.com хабар беради.
Сака журналистлар билан суҳбатда Мбаппенинг маҳоратини юқори баҳолади. «Мақтов учун раҳмат, лекин йўқ...
Менимча, дунёда фақат битта Килиан Мбаппе бор! Шу билан бирга, мен ҳам ягонаман.
Мен шунчаки ўзим бўлишни ва жамоамга қўлимдан келганича ёрдам беришни хоҳлайман», — деди футболчи.
Ҳужумчи турнирда кўплаб иқтидорли ёшлар борлигини, жумладан, жамоадоши Жуд Беллингем ҳам ажойиб ўйин кўрсатаётганини таъкидлади. Саканинг сўзларига кўра, у учун шахсий совринлардан кўра мусобақада ғолиб чиқиш муҳимроқ ҳисобланади.
Маълумот учун, Мбаппе айни дамда бешта гол билан тўпурарлар пойгасида пешқадамлик қилмоқда. Англия терма жамоаси эса турнирда энг кўп гол урган жамоа бўлиб турибди.
Икки жамоа ўртасидаги чорак финал баҳси шанба куни бўлиб ўтади.
“Zamin”ни Telegram'да ўқинг!
