Англия Премер-лигаси афсонаси Ники Батт Чемпионлар лигаси финалида PSJни мағлуб этиш деярли имконсиз бўлишини таъкидлади. Унинг фикрича, Микел Артета финал баҳсида Виктор Гёкересни захирада қолдириб, тезкор ҳужумчиларга таяниши керак, акс ҳолда жамоа француз клубининг ҳимоядаги заиф нуқталаридан фойдалана олмайди. Бу ҳақда Goal.com хабар беради.
Арсенал ярим финалда Атлетико Мадридни мағлуб этиб, Будапештдаги ҳал қилувчи баҳсга йўлланма олди. Шунга қарамай, Батт лондонликларнинг ҳужум чизиғи PSJнинг тезкор ўйинига қарши тура олмаслигидан хавотирда. Унинг сўзларига кўра, PSJ ҳозирги вақтда Европанинг энг кучли жамоаси ва уларни тўхтатиш жуда қийин.
Батт шундай деди: "Мен PSJни мағлуб эта оладиган жамоани кўрмаяпман. Арсеналда қарши ҳужумга ўтиш учун етарли тезлик йўқ. Агар Артета Виктор Гёкересни майдонга туширса, жамоа тезкор ҳужумларда қийналади. Леандро Троссард каби тезкор футболчиларга ишонч билдириш керак".
Микел Артета эса Виктор Гёкереснинг Атлетико Мадридга қарши ўйиндаги меҳнатини юқори баҳолади. Мураббий швециялик ҳужумчининг тактик интизоми ва жамоа ҳимоясидаги ҳиссаси финал йўлланмасини қўлга киритишда муҳим рол ўйнаганини таъкидлади.
“Zamin”ни Telegram'да ўқинг!
