Джейми Каррагер Муҳаммад Салахни Криштиану Роналдуга қиёслади

Ливерпул афсонаси Джейми Каррагер Муҳаммад Салахнинг жамоа бош мураббийи Арне Слотга нисбатан билдирган танқидий фикрларидан сўнг кескин муносабат билдирди. Салахнинг Астон Вилладан учралган мағлубиятдан кейинги ижтимоий тармоқлардаги чиқиши клуб ичидаги вазиятни янада таранглаштириб юборди. Бу ҳақда Goal.com хабар беради.

Каррагер Sky Sports эфирида Салахнинг хатти-ҳаракатларини Криштиану Роналдунинг Манчестер Юнайтеддан кетишидан олдинги шов-шувли баёнотларига ўхшатди. Собиқ ҳимоячи мисрлик ҳужумчини ўз манфаатларини жамоа манфаатидан устун қўйишда айблаб, уни "эгоист" деб атади.

Салах ўз постида Ливерпулни яна қўрқув уйғотадиган ҳужумкор жамоага айлантириш кераклигини таъкидлаган эди. Бироқ, экспертлар буни Арне Слотнинг тактик услубига қарши очиқ исён сифатида баҳолашди. Стивен Джеррард ҳам жамоа ичида бўлиниш юзага келганини таъкидлаб, вазиятдан хавотирда эканини яширмади.

Гари Невилле эса Салахнинг бу қилиғини жамоа ва мураббийга нисбатан ҳурматсизлик деб атади. Унинг фикрича, дунёнинг ҳеч бир топ-клуби ўз мураббийини омма олдида бундай камситилишига йўл қўймайди ва бу ҳолат Ливерпулнинг Чемпионлар лигасига чиқиш йўлидаги мақсадларига жиддий зарар етказиши мумкин.