Ўзбекистон футбол ассоциацияси янги президенти Очилбой Раматов жорий мавсумда ташкил қилинган Суперлига форматини танқид қилиб ўтди.
«Чемпионатда жорий қилинган янги ислоҳотлар ҳақида. Биз ҳали бу реформаларни кўриб чиқамиз. Барчасини бирданига ўзгартириб ташлаб бўлмайди. Ислоҳотлар секин-асталик билан амалга оширилиши керак. Футбол бокс эмаску, тўғрими, уриб йиқитасан, бўлди десанг.
Ҳудудларда футболни ўлдириб қўйиш керак эмас. Ўзгаришлар яхшиликка, футболни ривожланишига хизмат қилиши керак. Сизлар тузган янги форматдаги олтита кучли жамоани ажратиш фақат Тошкент жамоаларини ўсишига ёрдам беради. Ҳудудлардаги жамоаларни бу йўқ бўлишига сабаб бўлади. Ўша олтиликка қайси жамоалар киришини айтиб берайми? «Пахтакор», «Локомотив», «Бунёдкор» киради. Кейин «Насаф» зўрға кириши мумкин. Шундан кейин фақат пойтахт жамоалари ривожланиб, вилоятларда футбол йўқолиб бораверади.
Бу билан ислоҳотларни, янгича форматни бутунлай йўқотиш керак демоқчи эмасман. Лекин буни яхшилаб ўйлаб кўришимиз керак. Ҳали мавсум бошланишига бир ой вақт бор ва бу масалани яна кўриб чиқамиз.
Мен революционер эмасман, келгандан барча нарсани ўзгартириб ташлайдиган. «Машъал» ёки бошқа жамоа шунчаки тушириб юборилмайди. Ҳали бу соҳага тўлиқ кирганим йўқ. Бу масалани ҳам кўриб чиқамиз. Келган заҳоти, Умид Аҳмаджонов хато қилган деб ташлаш ноқулай менга ҳам. Бир ой вақт давомида кўриб чиқайлик. Шундан сўнг аниқ бир тўхтамга келамиз», дея Раматовнинг сўзларини келтиради Tribuna.Uz мухбири. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Қайси кундалик одатлар иммунитет пасайишига олиб келишини биласизми?
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Эрон президенти жиддий баёнот берди: «Исроилдан ҳеч нарса қолмайди»
Сариқми ёки яшил: қайси турдаги банан фойдалироқ?
Германиянинг Knauf компанияси Россиядан бутунлай чиқиб кетишини тасдиқлади
Тошкентда 02 кодли авторақамлар тахминан қачон пайдо бўлиши айтилди
Германияда мактаб ўқувчилари оммавий равишда ислом динини қабул қилмоқда