«Манчестер Сити» Агуэронинг дубли эвазига «Челси»ни мағлуб этиб Суперкубокни қўлга киритди

Англия Суперкубогидан ўрин олган учрашувда АПЛ ғолиби «Манчестер Сити» ва Англия Кубоги соҳиби «Челси» клублари ўзаро куч синашдилар. «Уэмбли» стадионида бўлиб ўтган баҳс манкунианликларнинг ғалабаси билан тугади.

Учрашувнинг 13-дақиқасида рақиб жарима майдони ёнида тўпни қабул қилиб олган Серхио Агуэро дарвозанинг пастки бурчагини аниқ нишонга олган ҳолда жамоасини олдинга олиб чиқди.

Иккинчи бўлимнинг ҳам 13-дақиқаси «Манчестер Сити» ва Агуэро учун омадли келди: аргентиналик футболчи Бернарду Силванинг узатмасини дарвозага тўғирлаб юборган ҳолда ўйиндаги дублини нишонлади.

Шу тариқа, Пеп Гвардиола шогирдлари янги мавсумни ҳам соврин билан бошлайдиган бўлдилар.

Англия Суперкубоги

Челси – Манчестер Сити 0:2 (0:1, 0:1)

Голлар: 0:1 – 13 Агуэро, 0:2 – 58 Агуэро.

Челси – Кабальеро, Рюдигер, Алонсо, Аспиликуэта, Давид Луиз, Баркли, Жоржиньо, Педро (Мозес, 79), Фабрегас (Дринкуотер, 60), Хадсон-Одои (Виллиан, 59), Мората (Абрахам, 69).

Манчестер Сити – Браво, Стоунз, Менди, Уокер, Лапорт (Отаменди, 87), Фоден (Браим Диас, 76), Фернандиньо, Марез (Габриэл Жезус, 68), Бернарду Силва, Сане (Гюндоган, 46), Агуэро (Компани, 80).

Манба: www.uff.uz

Янгиликлар