01:05 / 08 октября 2018
1 785

«Ливерпуль» ва «Манчестер Сити» жамоалари муроса йўлини танлашди

«Ливерпуль» ва «Манчестер Сити» жамоалари муроса йўлини танлашди
Англия чемпионатининг 8-туридан ўрин олган «Ливерпуль» – «Манчестер Сити» учрашуви ўз ниҳоясига етди. «Энфилд» стадионида бўлиб ўтган ўйинда нурсиз дуранг қайд этилди.

Учрашувнинг биринчи бўлими сокин тусда кечди ва дарвозалар олдида кўп ҳам хавфли вазиятлар содир этилмади. Иккинчи бўлим эса аксинча ҳужумларга бой бўлди.

Учрашув якунида меҳмонлар олдинга ўтиб олишлари мумкин эди бироқ Риёд Маҳрез пенальтини аниқ амалга ошира олмади. Шу билан ҳисоб ўйин сўнггига қадар ўзгармади.

Шу тариқа, «Манчестер Сити» 20 очко билан турнир жадвалида етакчилик қилмоқда, унинг ортидан худди шунча очко билан «Ливерпуль» ва «Челси» жамоалир боришмоқда.

АПЛ, 8-тур

Ливерпуль – Манчестер Сити 0:0 (0:0, 0:0)


Ливерпуль – Алиссон, Ловрен, Робертсон, Гомес, ван Дейк, Милнер (Кейта, 29), Хендерсон, Вейналдум, Мане, Салах, Фирмино (Старридж, 72).

Манчестер Сити – Эдерсон, Стоунз, Менди, Уокер, Лапорт, Сильва, Фернандиньо, Марез, Бернарду Силва, Стерлинг (Сане, 76), Агуэро (Габриэл Жезус, 66).

Огоҳлантиришлар: Бернарду Силва (21), Агуэро (56), Менди (64), Вейналдум (90).

Манба: www.uff.uz
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)