Артем Дзюба Россияда йилнинг энг яхши футболчиси деб тан олинди

“Зенит” ҳужумчиси Артем Дзюба “Футбол” ҳафталиги сўровномасига кўра Россияда йилнинг энг яхши футболчиси деб тан олинди. 30 ёшли тўпурар 614 очко жамғариб, ЦСКА посбони Игорь Акинфеев (245 очко, иккинчи) ҳамда армиячилар ҳимоячиси Марио Фернандесни (215 очко, учинчи) ортда қолдирди.

“Футбол” ҳафталиги 1992 йилдан буён ушбу совринни ўз эгасига топшириб келади. Бу йили сўровномада россиялик ОАВлардан 277 спорт журналисти иштирок этди. Дзюба фаолиятида илк бор ушбу совринга лойиқ деб топилди. Илгари унинг энг яхши натижаси 2015 йили, иккинчи ўрин эди. «Замин»ни Telegram’да ўқинг!