Кримец: "Қизил карточка? Ҳаммасини жамоам учун қилдим, бошқа йўлим йўқ эди"

  • 09 январь 2019, 22:59
  • 1 466
  • Спорт
  • Кримец: "Қизил карточка? Ҳаммасини жамоам учун қилдим, бошқа йўлим йўқ эди"
    Ўзбекистон терма жамоаси ҳимоячиси Егор Кримец Уммон терма жамоасига қарши бўлган ўйиндан (2:1) сўнг олган қизил карточкаси ҳақида фикр билдирди.
    - Ўзбекистон терма жамоаси гол ўтказган вазиятда қандай камчиликлар бўлди?
    - Араб жамоаларига бўш ҳудуд ва ўйнашга имкон берсангиз уларга қарши ҳаракат қилиш жуда қийин бўлади. Ўтказган голимизнинг сабаби шу бўлса керак. Биринчи бўлимда ўйин тенг кечди, иккинчи бўлимда эса рақиб ўйнашига имкон бердик. Бахтимизга бугун ғалабани қўлга киритдик. Асосийси шу.

    - Бугун қизил карточка олдингиз. Бир томондан терма жамоага ёрдам бердингиз, бошқа томондан бу миллий жамоамизнинг кейинги ўйинларида муаммога айланиши мумкин. Бу ҳақида нима дея оласиз?
    - Бу муаммо бўлади деб ўйламайман, чунки жамоада бошқа ҳимоячилар бор. Терма жамоада алмаштириб бўлмаслар йўқ. Вазиятни мураббий билан таҳлил қиламиз. Ҳаммасини жамоамиз учун қилдим, бошқа йўлим йўқ эди.

    » » Кримец: "Қизил карточка? Ҳаммасини жамоам учун қилдим, бошқа йўлим йўқ эди"