Даврон Файзиев: "Олмалиқда қарши ҳужумлар қурбонига айландик"

Суперлиганинг 19-туридан ўрин олган АГМК - "Динамо" (3:1) учрашувидан кейин меҳмонлар устози Даврон Файзиев ўз фикрларини билдирди.
"Жадвалда ёнма-ён турган икки жамоа ўртасидаги баҳс гувоҳига айландик. Биз яна ўз хатолармиз туфайли жазоландик. Бугун қарши ҳужумлар қурбонига айландик десак тўғрироқ бўлади. Масалан, Григалашвилига ўхшаган футболчи бизнинг жамоада йўқ.

Иккинчи даврани кетма-кет олтита мағлубият билан бошладик. Айни пайтда мени ўрнимда бўлишни ҳеч ким хоҳламаса керак. Қийин вазиятдан чиқишга ҳаракат қиламиз.
Сен урмасанг сенга уришади, бу футболнинг қоидаси. АГМКни ҳаққоний ғалаба билан табриклайман.

АГМКнинг қарши ҳужумларидан эҳтиёт бўлишимиз кераклигини айтгандим. Биринчи гол ўтказиб юборганимиздан кейин йигитлар футбол ўйнашни бошлашди. Биринчи таймнинг ўзида биз мезбонлардан кўпроқ ҳужум ташкил қилдик, иккинч таймда ҳам биз ҳужумга ўтдик, аммо голни АГМК урди", - дейди Даврон Файзиев. «Замин»ни Telegram’да ўқинг!