Ҳасан Рўзиев: “Етакчи жамоаларга муносиб қаршилик кўрсатишга уринамиз”

"Суперлига-2020" баҳсларининг қуръа натижаларига кўра, дастлабки турда Термизнинг “Сурхон” клуби ўз майдонида “Бунёдкор”ни қабул қилади.
Биз бу ҳақда жорий йилдан “Сурхон”да бош директор лавозимида иш бошлаган Ҳасан Рўзиевнинг фикр ва мулоҳазалари билан қизиқдик.

- “Нима ҳам дея оламан? Барибир мавсум давомида барча жамоалар билан ўйнашимизга тўғри келади. Биринчи турни уйда ўтказар эканмиз, иккинчи турда Навоийга сафар қиламиз. Назаримда қуръа биз учун яхши келди. Ҳар бир жамоа ўз олдига юксак мақсадларни қўйган ҳолда йўлга чиқади. Ҳеч ким пастки ўринларни эгаллашни истамайди. Ўйлайманки, жамоамиз мавсум давомида етакчиларга муносиб қаршилик кўрсата олади. Қолганини вақт кўрсатади”, – деди собиқ ҳакам Рўзиев. “Замин” янгиликларини “Facebook”да кузатиб боринг