МОҚ собиқ раиси Собир Рўзиев 73 ёшида вафот этди

Ўзбекистон қиличбозлиги ривожига катта ҳисса қўшган таниқли спортчи, Москва-1980 ёзги Олимпия ўйинлари кумуш медали совриндори ва Миллий олимпия қўмитасининг собиқ раиси Собир Рўзиев 73 ёшида ҳаётдан кўз юмди. Бу ҳақда Ўзбекистон Миллий олимпия қўмитаси матбуот хизмати маълум қилди.

Собир Рўзиев спортчилик фаолияти давомида жаҳон чемпионатларида муваффақиятли иштирок этиб, 2 та олтин, 1 та кумуш ва 1 та бронза медални қўлга киритган.

У ўзининг кўп йиллик фаолияти давомида мамлакатимизда қиличбозлик спортининг ривожланишига муносиб ҳисса қўшган. Унинг спорт соҳасидаги хизматлари муносиб эътироф этилиб, “Ўзбекистон Республикасида хизмат кўрсатган спортчи” фахрий унвони билан тақдирланган.