16:30 / 13.11.2020
931

Ривалдо Европа Премьер Лигаси ҳақида: «Бу футболнинг ўлими»

Ривалдо Европа Премьер Лигаси ҳақида: «Бу футболнинг ўлими»
Фото: Yandex Photos
«Бунёдкор» клуби ва Бразилия терма жамоаси собиқ ҳужумчиси Ривалдо топ-клублар томонидан ташкил этилиши режалаштирилаётган Европа Премьер Лигаси ҳақидаги фикрлари билан ўртоқлашди.

«Бундай мусобақаларни ташкил қиладиганлар футбол оламидан эмас, ҳеч қачон ўйнамаган ва бу ҳақда ҳеч нарса тушунмаслиги очиқ-ойдин кўриниб турибди. Бундай мусобақа катта ва кичик клублар орасидаги тенгсизликни оширади, холос. У асосий спорт принципларини йўққа чиқаради. Бу футболнинг ўлими», — дейди Ривалдо.

Эслатиб ўтамиз, аввалроқ Европа кучли бешлик лигаларининг ўндан ортиқ клуби Европа Премьер Лигаси номи остида янги мусобақа ташкил қилишга уринаётгани ҳақида хабарлар янграганди. Ташкилотчилар мусобақани ФИФА таснифи остида 2022 йилдаёқ йўлга қўймоқчи экани айтилганди. Унда 16–18 та жамоа иштирок этиши кутилмоқда. Ушбу лойиҳани қўллаб-қувватлаганлар ичида бразилияликнинг собиқ жамоаси «Барселона» ҳам бор.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)