15:27 / 16.01.2021
1 918

Жасур Жалолиддиновнинг агенти: «Бунёдкор» собиқ директори Жасурни қўйиб юборишни истамаганди

Жасур Жалолиддиновнинг агенти: «Бунёдкор» собиқ директори Жасурни қўйиб юборишни истамаганди
Фото: Twitter
Москванинг «Локомотив» клуби ярим ҳимоячиси Жасур Жалолиддиновнинг агенти Юрий Белоус мижозининг трансфери билан боғлиқ муаммолар ҳақида гапирди. Аввалроқ «Локомотив» агентларга футболчи учун сарфланган пулдан 6,5 баробар кўпроқ тўлагани маълум бўлганди.

- "Бу ҳақда қўнғироқ товушини эшитиб, бироқ у қаердан келаётганини билмайдиган одамлар ёзмоқда. Трансфер нархининг ўзи йўқ эди. Ҳа, агентга тўланадиган пуллар бор ва тамом. Барча можаро Ўзбекистонда бошланди, бизнинг (Россия назарда тутилмоқда — изоҳ «Дарё») ОАВ эса уларни эълон қилди.

Буларнинг барчаси «Бунёдкор» собиқ бош директори Жасурни қўйиб юборишни истамагани сабаб юзага келди: унда «Бешиктош» ва қатор бошқа клублардан таклифлар бўлган.

Жасурнинг шартномасида маълум миқдордаги товон пули тўланганда унинг кетишига рухсат берадиган банд бор эди ва у кетишга қарор қилди. Бизникиларга эса шов-шув керак. Келишув бор эди, товон пули тўланди, ҳаммаси шаффоф ва тоза кечди. Ҳеч қандай саволга ўрин йўқ
", - деди футбол агенти Юрий Белоус.

Жалолиддинов июль ойида «Локомотив» футболчисига айланди. Бироқ москваликлар ярим ҳимоячини Россия Премьер Лигаси рўйхатидан чиқариб юборди ва Жасур «Тамбов»га ижарага берилди. Бироқ 18 ёшли ўйинчи «Тамбов» сафида ҳам бирорта ўйин ўтказмади.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Жасур Жалолиддиновнинг агенти: «Бунёдкор» собиқ директори Жасурни қўйиб юборишни истамаганди