22:00 / 09.03.2021
1 752

Humo Arena’да катта профессионал бокс кечаси ўтказилади

Humo Arena’да катта профессионал бокс кечаси ўтказилади
Коллаж: «Дарё»
Профессионал бокс бўйича иккинчи ярим енгил вазн (-55,34 кг) тоифасида WBA ва IBF камарлари соҳиби Муроджон Аҳмадалиев (7-0, 6 КО) 3 апрель куни Тошкент шаҳрида чемпионликни ҳимоя қилади.

Humo Arena’да бўлиб ўтадиган бокс кечасида Аҳмадалиев япониялик Рёсуке Ивасага (27-3, 17 КО) қарши рингга кўтарилади.

Шунингдек, мазкур бокс кечасида Исроил Мадримов, Шаҳрам Ғиёсов, Ҳасанбой Дўстматов, Иқболжон Холдоров, Миразизбек Мирзаҳалилов, Баҳодир Жалолов, Элнур Абдураимов ва Санжар Турсунов каби номдор ўзбекистонлик боксчилар жанг ўтказади. Бу ҳақда Миллий Олимпия қўмитаси (МОҚ) матбуот хизмати маълум қилди.

Қайд этиш жоиз, бу Иқболжон Холдоров ва Миразизбек Мирзаҳалилов учун проф боксдаги дебют жанг бўлади.

Эслатиб ўтамиз, Аҳмадалиев 2020 йилнинг январида Даниэль Романни мағлуб этиб, бир йўла иккита чемпионлик камарига эга чиққанди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » Humo Arena’да катта профессионал бокс кечаси ўтказилади