Ниҳоят, Суперлига дебютанти - “Турон” клуби мавсумдаги биринчи ғалабасини қўлга киритди. 12-турда ўз уйида “Металлург”ни қабул қилди ва 2:0 ҳисобидаги муҳим уч очкони ўз ҳисобига ёзиб қўйди.
Бош мураббийлик лавозимига Игорь Шквирин тайинланганидан кейин “Турон” иккита ўйин ўтказиб, бир дуранг ва бир ғалаба қайд этди. У ўйинларга таркибни ҳам тўғри танлай олди.
Бундай муҳим паллаларда етакчи футболчиларнинг роли катта аҳамиятга эга. Айниқса, тажрибали ярим ҳимоячи Фозил Мусаевга Шквирин катта ишонч билан қараяпти. Ушбу футболчи sports.uz учун ўзининг фикр ва мулоҳазалари билан ўртоқлашди.
“Металлург” қандай мағлуб этилди?
- “Металлург” клубига қарши ўйин қийин бўлди. Бекободликларни ҳам яхши жамоа эканлиги билиниб турганди. Уларни таркибида ҳам яхши ўйинчилари бор ва илгари улар яхши жамоаларда ўйнашган. Биласизми, “Турон”га Игорь Шквиринни келгани ҳам қўл келди деб ўйлайман. Ўйин услубимиз бўйича ҳам ўзгариш сезиляпти. Йигитларда мотивация кучайиб боряпти.
Игорь Шквирин жамоада нимани ўзгартирди?
- Аслида Игорь Анатольевични жамоамизга келганига кўп вақт бўлмади. Шунинг учун ҳали кўп нарсани ўзгартирди деб айта олмайман. Лекин футболчиларга мотивация беряпти. Майдонда қандай ўйнаш кераклигини ва нимани хоҳлаётганини бир неча кун ичида тушунтирди деб ўйлайман. Аммо мураббийнинг барча ўйлаганларини амалга татбиқ этиш учун барибир вақт керак бўлади. Шунга қарамай, Игорь Шквириннинг биздан нимани хоҳлаётганини ўйинчилар яхши тушуниб туришибди. Шунинг эвазига “Металлург”га қарши учрашувда яхши натижа кўрсатдик деб ҳисоблайман. Тўғриси, шу куни омадимиз ҳам чопди. Шквирин келганидан кейин омад ҳам келди.
Ғалабасиз ўйинлар кайфиятга қанчалик таъсир ўтказди?
- Албатта, ғалабасиз ўйинларнинг кайфиятга таъсир қилиши аниқ. Чунки олдин бундай ҳолатда бўлмаганман. Шу боис ғалабасиз учрашувларимиз барчанинг кайфиятига таъсир ўтказди. Аммо Шквиринни келганидан кейинги илк ғалабамизни фақатгина омад билан ҳам боғлаш қийин. Негаки, мураббийни ўз ўйин услуби бор. Масалан, ўйиндан аввал биздан нимани хоҳлаётганини ва қандай тўп суришимиз кераклигини тушунтирди. Омадсиз эса ҳеч нима бўлмайди. Шунинг учун юқорида айтганимдек, Игорь Анатольевич билан бирга омад ҳам кела бошлади, илоҳим бу давомли бўлсин.
Таркиб қай даражада кучайтирилиши керак?
- Игорь Шквиринни бунгача бир қатор клубларда ишлагани, тажрибаси борлиги ва ўзининг ўйин услубига эга эканлиги билиниб турибди. Бир сўз билан айтганда, унинг яхши мураббийлиги аниқ. Ўйинлар борасида келсак, менга қолса таркибни кучайтиргани яхши, албатта. Ҳар бир позицияда рақобат янада ортса ва яхши савиядаги ўйинчилар кўпайса, бу жамоага ҳар томонлама қўл келади деб ўйлайман. Позицияларда икки-учтадан футболчининг бўлиши ўз навбатида рақобатни ҳам кучайишига олиб келади. Шу боис иложи борича таркибдаги ҳар бир чизиқни кучайтирса яхши бўларди. Барибир кимни таклиф қилиш, қайси позицияларни кучайтиришни мураббийлар ва раҳбарият билишади. Футболчи сифатида айтишим мумкинки, жамоага қанча кўп яхши ўйинчи келса, шунча фойдали бўлади.
Мусаев “Турон”да қоладими?
- Мени “Турон” билан шартномам бор. Ҳали бирор жойга кетиш режамда йўқ. Бу масалада ҳеч ким билан гаплашмадим ҳам. “Турон”да ҳаммаси яхши. Фақат ғалабалар бўлса бўлди. Бизда ҳамма шароит бор, маблағ томонлама ҳам муаммо йўқ. Шу боис бу ердан кетиш режамдан ўрин олмаган. “Турон”да қолиб шартномам охиригача амал қилмоқчиман. Хаёлим фақат “Турон” билан боғлиқ. Албатта, мураббий ва раҳбариятнинг иккинчи давра учун режалари қандайлигини яхши билмайман. Агар бошқа клубдан таклиф тушган тақдирда ҳам буни клуб президенти ҳамда мураббийлар билан гаплашган ҳолда ҳал қиламиз ва бир тўхтамга келамиз.
Миллий терма жамоага ёрдам беришга кучи етадими?
- Миллий терма жамоа ҳақида жуда кўпчилик фикр билдирди. Тўғриси, мен бу мавзуда бирор нима демоқчи эмасман. Ўйинни ҳамма кўрди. Биз ҳам мухлислик қилдик. Фақат керакли бўлган натижага эриша олишмади. Шу боисдан терма жамоа ҳақида кўп фикр билдирмоқчи эмасман. Агар терма жамоага чақиришса, албатта бораман, кучим етади. Ўзбекистон фуқароси сифатида ҳар доим жамоамизга ёрдам беришга тайёрман.
Шуҳратбек Жўраев
“Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Трампнинг ўғли Зеленский яқин орада «нафақадан» маҳрум бўлишини ёзди
Эрдўғон Туркия Исроил билан алоқаларини узганини маълум қилди
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Рақобат қўмитаси биржада Аи-80 бензини бошланғич нархига чеклов ўрнатди
Иммунитетни кўтариш учун 6 та энг яхши витамин
Киев: Трамп инаугурациясигача «тинчлик режалари» ҳақидаги гаплар асоссиз
Самарқандда вояга етмаган қизни зўрлаганликда гумонланиб 8 киши ушланди
Кўкрак бези саратони сабаблари, белгилари ҳамда уни даволаш
