Хабарингиз бор, Болгариянинг София шаҳрида бўлиб ўтган Странжа турнирида вакилларимиз муваффақиятли иштирок этиб, умумжамоа ҳисобида биринчи ўринни қўлга киритишди. Ушбу мусобақада +92 кг вазнда иштирок этган ҳамюртимиз Лазизбек Мулложонов ҳам барча рақибларини мағлуб этган ҳолда олтин медалга эга чиққан эди. Мусобақадан сўнг, боксчимиз билан боғланиб бир нечта саволларга жавоб олдик.
- Странжа турнири борасида таассуротлар қандай?
- Странжа турниридан таассуротларимиз катта. Бу мусобақа кичик жаҳон чемпионати дея эътироф этилади. Ўзим учун бу улкан тажриба бўлди.
- Жахон чемпионатига нисбатан бу сафар жисмоний ҳолатингиз аъло даражада эканлиги кўзга ташланди. Бу борада махсус ишладингизми?
- Мен бу турнирда Сербиядаги жаҳон чемпионатига нисбатан ўзимни яхши ҳис қилдим. Лекин барибир ҳарбийлар ўртасидаги жаҳон чемпионатичалик эмас. Мағлубиятдан сўнг ўзимни яхши тиклаб бормоқдаман. Жаҳон чемпионатига кетишдан олдин охирги машғулотларда бетоб бўлиб қолган эдим. Даволаниш учун вақт ҳам бўлмаган эди ва бу жангимда билинди ҳамда шуни ҳисобига Сербиядаги жаҳон чемпионатида мағлуб бўлдим деб ўйлайман.
- Нима деб ўйлайсиз,хаваскор боксда юришингиз сиз учун қанчалик муҳим. Демоқчиманки, Париж 2024 Олимпиадасига қадар Баҳодир Жалолов барибир биринчи рақамли ҳисобланади?
- Худо хоҳласа, насиб қилса 2024 йилги Олимпиада ўйинларига бориш ниятим бор, лекин Жалолов биринчи рақамли ҳисобланади. Ўйлайманки, кейинги Олимпиадагача Осиё чемпионатлари, Осиё ўйинлари мусобақаларида ўзимизни кўрсата олсак, имконият беришади деб ўйлайман.
- Балки асосий эътиборни профессионал боксга қаратиш керакдир?
- Тўғриси профессионал боксга унчалик эътиборимни қаратгим келмаяпти. Мақсадим ҳаваскор боксда Олимпиада ва жаҳон чемпионлиги.
Маълумот учун, 22 ёшли Мулложонов ёшлар ўртасида Осиё чемпиони, ҳарбийлар ўртасида жаҳон чемпиони, 2 карра Ўзбекистон чемпиони ва бир қанча йирик турнирлар ғолиб ва совриндори саналади.
Странжа турнири, Лазизбек Мулложонов, Профессионал бокс, Олимпиада, Ҳаваскор бокс, Жаҳон чемпионлиги “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
22 ноябрь куни Cobalt автомобилига шартнома очилиши эълон қилинди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Диний қўмита Умра зиёратини ташкил қилиш учун 12 та турфирмага лицензия берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Хонанда Рухшона уйланмаган йигитга турмушга чиққани ҳақида сўзлаб берди
Исроилнинг кейинги нишони Туркиями?
