Илон Маск Binance, Эллисон ва шаҳзода Ал-Валидни 44 миллиард долларлик Twitter келишувига қўшди

^{Фото: Getty Images}
Илон Маск Twitter’ни сотиб олиш бўйича 44 млрд долларлик таклифига ўндан ортиқ янги шахслар ва инвестиция фирмаларини қўшди, деб ёзади Forbes.

Уларнинг таркибида, Oracle асосчиси Ларри Эллисон, Саудия Арабистони шаҳзодаси Ал-Валид ва Хитой криптовалюта биржаси Binance ҳам бор.

Маск инвесторлар гуруҳидан 7,1 млрд долларлик капитал мажбуриятларини олди, бу эса шартномани молиялаштиришда унинг шахсий бойлигидаги тангликни камайтиради.

Ушбу янги қўшма инвесторлар билан Маск олиши керак бўлган қарз қиймати камаяди. Бу ўз навбатида Tesla акцияларининг юқори нархига боғлиқ.

Маск Twitter асосчиси ва собиқ бош директори Жек Дорси билан музокараларни давом эттирмоқда. Дорси директорлар кенгаши аъзоси бўлиб қолади, эҳтимол Маскнинг таклифида ҳам иштирок этиши мумкин.

Янги акциядорлик мажбуриятларида иштирок этадиган бошқа таниқли фирмалар ва одамлар Fidelity, Brookfield, Қатар суверен жамғармаси, Draper Fisher Jurvetson, Andreessen Horowitz ва Sequoia’лар ҳисобланади.

Twitter оммавий платформа сифатида катта салоҳиятга эга бўлса-да, у ботлардан тортиб, цензурагача бўлган бир қатор мураккаб муаммолардан азият чекмоқда. Оммавий компаниянинг фақат реклама бизнес моделига таяниши буларнинг барчасини янада кучайтиради, — деб ёзди Бен Ҳороwитз Twitter’да.

Энг катта акциядорлик мажбурияти Эллисоннинг 1 млрд долларидир, ундан кейин Sequoia (800 млн доллар), VyCapital технологик фирмаси (700 млн доллар) ва Binance (500 млн доллар) ҳисобланади.

Дастлаб бир акция учун 54,2 долларлик таклифга қарши чиққан Ал-Валид ўзининг 35 млн Twitter акциясини Маск учун инвестиция қилади. Бу Twitter’нинг ҳозирги акциялари нархида тахминан 1,7 млрд долларга тенг. “Замин” янгиликларини “Инстаграм”да кузатиб боринг