Marvel’s Spider-Man 2 компьютер версияси янгиланди

Nixxes Software Marvel’s Spider-Man 2 ўйинининг компьютер версиясидаги хатоларни тузатишга қаратилган янги v1.205.0.0 янгиланишини чиқарди.

Асосий ўзгаришлар:
* Кинематик анимациялар ва комикс услубидаги овоз эффектлари учун янги созламалар қўшилди;
* "Янги ўйин +" режими ишга туширишдаги муаммолар бартараф этилди;
* DLSS ва ray tracing билан боғлиқ визуал хатолар тузатилди;
* Авто-сақлаш учун захира нусхалар яратиш тизими қўшилди;
* Интерфейс яхшиланди ва сочларнинг "шовқин" эффекти камайтирилди;
* Сақлаш менюсида сичқонча билан скрол қилиш имконияти қўшилди;
* Ўйинчиларнинг махсус функцияларини турли қурилмаларда синхронлаштириш олиб ташланди.

Бундан ташқари, Sony’s Crash Reporting System тизими янгиланди, энди фойдаланувчилар хатолик ҳисоботларига скриншотлар қўшишлари мумкин.

Шунингдек, ўйиннинг компьютер версияси учун бир нечта модификациялар чиқди, жумладан, Mary Jane ва Питер Паркер учун яхшиланган юзлар ҳамда Venom сифатида ўйнаш имконияти. “Замин” янгиликларини “Telegram”да кузатиб боринг