Apple компаниясининг навбатдаги флагман смартфони — iPhone 17 Про ҳақида илк маълумотлар Wеибо ижтимоий тармоғида пайдо бўлди. Инсайдерларнинг айтишича, бу модел нафақат техник, балки ташқи кўриниши жиҳатидан ҳам сезиларли ўзгаришлар билан келади. Хусусан, камера жойлашуви ва олд панел дизайни янгича кўринишга эга бўлади.
Apple бу сафар оддий янгиланиш эмас, балки ҳақиқий ўзгариш қилишга қарор қилган. Инновацион дизайн, кучли техник параметрлар ва замонавий фойдаланувчи эҳтиёжларига жавоб берувчи имкониятлар iPhone 17 Прўни йилнинг энг муҳокама қилинадиган қурилмаларидан бирига айлантиради.
Горизонтал камерали матрица
iPhone 17 Pro'даги энг катта янгиликлардан бири — камеранинг горизонтал шаклда жойлаштирилиши бўлади. Бу Apple учун iPhone 11 Pro'дан бери илк бор бундай ўзгариш бўлади. Камера учта линзадан иборат бўлиб, шиша ва алюминийдан тайёрланган орқа панелга бирлаштирилади. Асосий ва ультра кенг бурчакли камера чап томонда, перископли телефото линза эса ўнг томонда жойлашади.
Кичрайтирилган Dynamic Island
Олд панелда ҳам ўзгариш бор. Суперленс технологияси ёрдамида Face ID'га таъсир қилмасдан “Dynamic Island” деб аталувчи майдон янада кичрайтирилади. Бу экран фойдаланувчига кўпроқ ишлатиладиган майдонни тақдим этади ва интерфейс қулайлигини оширади.
Хусусиятлари ва имкониятлари
iPhone 17 Prо А19 чипи билан таъминланади — бу кучли, энергия тежамкор ва илғор процессор ҳисобланади. Қурилма 5Г тармоғини қўллаб-қувватлайди ва 1 ТБгача бўлган ички хотира билан тақдим этилади. Бу уни профессионал сураткашлар, гамерлар ва мобил офисга муҳтож фойдаланувчилар учун идеал танловга айлантиради.
Инсайдерларнинг айтишича, Apple бу сафар кўп йиллик анъаналарни янгилашга уринган. Бу эса iPhone линиясида янги босқич бошланишини англатади.
Хулоса қилиб айтганда, iPhone 17 Prо нафақат ички кучи, балки ташқи кўриниши билан ҳам катта эътиборга лойиқ бўлиб, бутун технология олами уни сабрсизлик билан кутмоқда.
«Замин»ни Telegram’да ўқинг!
