Apple компанияси Хитой бозорида iPhone 17 туркумидаги смартфонлар учун кутилмаган нарх пасайишини эълон қилди. 15-майдан бошлаб iPhone 17 Pro моделлари 1000 юанга арзонлашди, траде-ин дастурлари ва қўшимча субсидиялар билан биргаликда умумий чегирма 2000 юанга (тахминан 300 доллар) етди. Бу ҳақда Ixbt.com хабар беради.
Ушбу ўзгаришлар натижасида iPhone 17 Pro моделининг минимал нархи 6999 юанга тушди. Бу Apple тарихида мазкур моделнинг 7000 юанлик психологик чегарадан пастга тушиши ҳисобланади. Янги нархлар JD.com платформасидаги расмий Apple дўконида аллақачон акс этган.
Шунингдек, базавий iPhone 17 модели ҳам илк бор сезиларли чегирмага эга бўлди ва уни турли акциялар доирасида 4499 юанга харид қилиш имконияти яратилди. Ваколатли дилерларнинг таъкидлашича, харидорлар анъанавий тарзда май ойидаги ушбу нарх пасайишини кутишган.
Бошқа томондан, хотира ва бутловчи қисмлар нархининг ошиши сабабли, кўплаб Android-флагманларининг нархи аксинча 200–600 юанга қимматлашган. Таҳлилчилар Apple'нинг бу агрессив қадами Хитой бозоридаги савдо кўрсаткичларини сезиларли даражада оширишини тахмин қилмоқда.
“Zamin”ни Telegram'да ўқинг!
