TechCrunch хабар беришича, Figma компанияси Google билан ҳамкорликда ўз дизайн платформасига Gemini сунъий интеллект моделларини қўшмоқда. Бу ҳамкорлик Figma’нинг илгаридан мавжуд AI қуролларини янада кучайтириб, дизайнерлар ва иш жамоаларининг “эволюцияланаётган эҳтиёжларига” мослашишни мақсад қилади.
Янги интеграция доирасида Gemini 2.5 Flash, Gemini 2.0 ва Imagen 4 моделлари Figma’нинг AI воситалари қаторига киритилади. Компания ўзининг Google Cloud билан муносабатларини ҳам сақлаб қолади.
Gemini 2.5 Flash Figma’даги расм таҳрирлаш ва тасвир яратиш жараёнларига тўғридан-тўғри қўшилади. 13 миллион фаол фойдаланувчи энди оддий сўров орқали AI ёрдамида тасвир яратиши ва уни ўзгартириши мумкин бўлади. Илк синовларда бу функция орқали тасвир яратишда кечиктириш вақти 50% га камайгани маълум қилинган.
Google бу ҳамкорликни иш жараёнларини автоматлаштириш ва самарадорликни оширишга қаратилган стратегик қадам сифатида баҳолади. Шу билан бирга, корпорация Gemini Enterprise номли янги AI платформасини ҳам тақдим этди — у корхоналарга ўз ҳужжатлари ва маълумотлари билан “сўзлашиш” имконини беради.
Google маълумотларига кўра, ҳозирда Google Cloud мижозларининг 65% AI хизматларидан фойдаланмоқда.
Янги келишув доирасида Google шунингдек GAP, Mercedes, Klarna, Virgin Voyages, Macquarie Bank, Signal Iduna ва бошқалар билан ҳам AI ҳамкорликларини эълон қилди.
“Zamin”ни Telegram'да ўқинг!
