Роскомнадзор WhatsApp мессенжерига (Россия Федерацияси ҳудудида экстремистик деб тан олинган ва тақиқланган Meta компаниясига тегишли) нисбатан чекловлар жорий этишда давом этади ва агар у Россия қонунчилиги талабларини бажармаса, уни тўлиқ блоклаши мумкин. Бу ҳақда вазирлик хабар берди.
"Чекловлар босқичма-босқич жорий этилиб, фойдаланувчиларга бошқа мессенжерлардан фойдаланишга ўтиш имконини беради. Миллий хизматларга ўтишни тавсия қиламиз. WhatsApp’га нисбатан чекловлар жорий этиш давом эттирилади," - дейилади хабарда.
Аввалроқ Роскомнадзор Россия жанубида WhatsApp ва Телеграмни қисман блоклаган эди.
Октябрь ойида россиялик операторлардан Telegram ва WhatsApp пудратчилари томонидан янги фойдаланувчиларга қўнғироқлар ва SMS юборишни тўхтатиш талаб қилингани хабар қилинганди.
Бу шуни англатадики, Россия SIM-карталарига эга фойдаланувчилар энди Россия рақами орқали мессенжерларда рўйхатдан ўта олмайдилар ёки тизимга кира олмайдилар. Шу билан бирга, "Код Дурова" Телеграм-канали аниқлик киритишича, айни пайтда блоклаш Россиянинг барча рақамларига таъсир қилмаган. Ҳозирда россиялик фойдаланувчилар электрон почта орқали авторизатсиядан ўтишлари мумкин.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
